Það er alveg við hæfi að sólin skíni á okkur í dag því það er nefnilega merkisdagur hjá okkur í fjölskyldunni. Íris elsta dóttir okkar er að útskrifast úr Háskólanum í Reykjavík með BA í lögfræði og hefur þar með náð föður sínum. Hún hefur staðið sig alveg frábærlega vel, fengið háar einkunnir og aldrei fallið í neinu fagi þrátt fyrir að vera mamma þriggja ungra barna. Karlott, maðurinn hennar, er einnig búinn að standa sig vel og hefur stutt hana algerlega í þessu og í prófatörnum þegar hún hefur nánast búið í skólanum hefur hann séð um heimilið á meðan. Það hefur verið svo gaman að fylgjast með þeim, hvað þau eru samstíga og ákveðin að láta allt ganga upp án þess að börnin séu afskipt.
Elsku fjölskyldan mín í Háholti, innilega til hamingju með daginn, við hlökkum mikið til að koma og vera viðstödd athöfnina og gleðjast með ykkur í dag. Ég er mjög stolt af ykkur og elska ykkur meira en orð fá lýst.
Elsku fjölskyldan mín í Háholti, innilega til hamingju með daginn, við hlökkum mikið til að koma og vera viðstödd athöfnina og gleðjast með ykkur í dag. Ég er mjög stolt af ykkur og elska ykkur meira en orð fá lýst.
Sjá myndir og meira um útskriftina á síðunni hans Erlings hér
3 ummæli:
Þú mátt sko alveg vera montin af henni Írisi, hún er búin að vera svo dugleg og ég er líka alveg að springa úr monti yfir henni. Til hamingju með hana:) Arna
Innilega til hamingju með Írisi okkar í gær :) Glæsilegur árangur hjá henni og algjörlega til fyrirmyndar! Við erum öll að rifna úr stolti yfir henni :)
Sjáumst annars hressar næst skvísumamma mín ;)
Þín blómstrandi Eygló
Takk takk fyrir þetta mamma :) Sæt og skemmtileg færsla!
Sjáumst nú samt vonandi aftur fljótlega ;)
Þín Íris
Skrifa ummæli