Fjöldi fólks glatar hlut sínum í hamingjunni. Ekki vegna þess að það hafi aldrei fundið hana, heldur vegna þess að það nam ekki staðar til að njóta hennar.
fimmtudagur, ágúst 18, 2005
Ef fuglanöfn væru númer
Við vorum á Fitinni síðustu helgi og það verður að segjast eins og er að það er svo friðsælt þar og notalegt eitthvað. Við tjöldum vagninum í skjóli trjánna sem við Erling byrjuðum að gróðursetja fyrir u.þ.b. 15 árum. Það er fátt sem rýfur þögnina á morgnana þegar ég er að reyna að sofa út nema fuglarnir, eins og hún Gerður svilkona mín orðaði svo skemmtilega um árið; endemis fuglagarg er þetta. Erling og Hlynur skilja þetta ekki enda eru þeir bræður alveg hugfangnir af þessum dýrum sem fljúga um himininn. Í sjálfu sér finnst mér þeir alveg ágætir nema á morgnana. Ég er í tæp 30 ár búin að fá kennslu um nöfnin á þeim sem ég Á AÐ ÞEKKJA Á HLJÓÐINU, pælið í því. Ég get bara alls ekki lært þessi nöfn og þess vegna var það á sunnudaginn að ég átti að segja Erling hvað dýrið hét sem framkallaði þetta líka hrikalega garg á annars friðsælum sunnudagsmorgni. Eftir að hafa giskað á næstum allar fuglategundir þá sagði Erling: "Erla mín, ef fuglarnir væru ekki með nöfn heldur talnarunu, bílnúmer eða slíkt værirðu búin að læra þetta fyrir löngu síðan." Sennilega er það rétt hjá honum..........
Gerast áskrifandi að:
Birta ummæli (Atom)
2 ummæli:
Hani, krummi, hundur, svín,
hestur, mús, tittlingur,
galar, kurnkar, geltir, hrín,
hneggjar, tístir, syngur.
Þú ert yndislegur náttúruunnandi.
Ég elska þig.
Flott nýja síðan þín :) svo sæt svona bleik ;) ég skil þig með fuglahljóðin ég hreinlega gleymi þeim En það er samt gaman að fugla"garginu" ;) Lov U og hafðu það geggjað gott :)Þín Eygló, ég var næstum búin að gleyma að setja nafnið mitt undir!!
Skrifa ummæli